湊仔女是世上最辛苦的工作　張欣欣：男人應體諒尊重妻子

世界上最辛苦的工作，肯定係湊仔女。可不是嗎？返工時，有時都可偷偷hea下；湊小朋友，一不留神佢就撞親受傷。

返工會知幾點放工，OT有限度；湊細路，沒有所謂放工時間，OT駁OT！如果遇著打風落雨，打工仔會突然有假放；一有仔女，打風前後，諗定食飯買餸問題，頭都大埋。

放工，有時候個腦都可暫時抖下，有咩聽日再算；小朋友一開始上學，就算佢哋瞓緊覺，做父母都要睇佢地功課，活動，聽日著咩衫，帶咩圖書，興趣班咩時間，交回條，學費.....如果有1個以上仔女，你的腦子更要記晒佢哋各自不同嘅時間表，PLUS你自己的工作時間表，隨時要記埋老公果面嘅嘢！你必須人格分裂，冷靜處理，不同面孔情緒處理各方問題！

返工時有假放，盡情享樂，行街扮靚，旅行歎世界，隨你喜歡；有小朋友，假期已不是你的。假期其實是工作的開始：行街看地方，商場睇有沒有哺乳室，食嘢考慮是否細路friendly，去旅行變咗去一個新地方湊仔，個喼一半裝細路嘢！

返工遇著老闆請假或病了，偷偷歡喜燒炮杖，果日好輕鬆；做了父母，仔女便是我們的老闆......他/她們病了，我們恨不得代他/她們病；他/她們餓了，我們寧願餓著肚子也先餵他/她們！

湊仔女，是一份無限付出貼錢打工的工作。男人們請體諒及尊重在家為你們湊仔女的妻子；因為，我們給的家用人工，根本上請不起這個為你仆心仆命的員工！這份24小時無休的工，是她用心用命用青春來工作的。

文章獲張欣欣授權轉載。

【更多夫婦相處之道報道】

女人要有不帶孩子的Women time　暖男丈夫：孩子交給我照顧

要捨得為太太花錢　暖男丈夫：不能丟著太太吃苦